gestig

1914

ring

Ring van Harrismith

adres

Kerkstraat 4, Memel

eerste predikant

Die NG Gemeente Memel is ’n gemeente in die Vrystaatse Sinode.

Voor die Anglo-Boereoorlog (1899–1902) het die boeregemeenskap in Oos-Vrystaat reeds op die Cronjé-familie se plaas Koolhoek en Strydplaas van die familie Uys kerk gehou. Toe reeds is die behoefte aan ’n eie gemeente gevoel. In 1905 skenk Joseph Jurgens Muller een morg van sy plaas, Ecclefechan, aan die kerkraad van Vrede. Dié lappie grond is Mispa genoem.

Die volgende jaar is ’n sinkkerkie gebou, waarna ds. Eslin van Vrede die dienste kom waarneem het. ’n Nedersetting het rondom dié kerk ontstaan, maar dit het nog nie amptelike dorpstatus gehad nie.

Die landmeter wat die plase in die kontrei opgemeet het, was ’n Straszacker afkomstig van Pruise. Hy het die plase na plekke in sy vaderland genoem – so is Mispa, oftewel plaas nr. 491, dan na sy tuisdorp, Memel, hernoem. Dis vandag Klaipėda, Litaue se derde grootste stad.

Die gemeenskap het vinnig gegroei. In 1908 is ’n aansoek onder leiding van genl. C.R. de Wet ingedien om dit as ’n dorp te proklameer. Straszacker het in Junie 1911 die erwe uitgemeet, en die eerstes is op 17 Mei 1912 opgeveil. Die gemeente is in 1914 gestig.

In 1919 is die gedagte van ’n nuwe kerkgebou op ’n kerkraadsvergadering geopper, en ’n begroting van £16,000 pond is daarvoor toegeken. Die argitek was Folkert Wilko Hesse (1855–1923) van Kaapstad (of sy seun François), die bouaannemers Monro en Ledbury, en die meesterbouer Thomas Shields. Sandsteenklippe is op die plase Glen Allen, Vastrap en Willemansfontein gekap en na die bouperseel aangery. Ander boumateriaal het van Newcastle en Volksrust af gekom. Die kerkgebou is op 12 November 1926 ingewy.

Predikante

• Etresia van Schalkwyk, 23 Julie 2022 – hede