GEBORE

4 Jan. 1861

OORLEDE

20 Mrt. 1939

UNIVERSITEIT

–

GELEGITIMEER

1884

ORDEN

1885

STANDPLASE

George (Hpr.)

1885 Sutherland

1889 Calvinia

1896 Montagu

1905 Riversdal

1925 Strand

EMERITEER

1931

Ds. Johannes Christoffel Truter is ‘n afstammeling van die Truters wat meer as ʼn eeu gelede ‘n vername rol gespeel het in ons land, een as regter en ʼn ander as magistraat. Hy is te George op 4 Januarie 1861 gebore. Na sy voorbereidende opleiding het hy student geword in ons Teologiese Kweekskool en is na vierjarige studie gelegitimeer as predikant. Vir 46 jaar lank het hy in die aktiewe bediening van die evangelie gestaan en ses gemeentes bedien. Op 24-jarige leeftyd is hy georden in 1885 as hulpprediker te George. Spoedig is hy na Sutherland beroep waar hy met vrug gearbei het tot 1889. Hiervandaan is hy na die uitgestrekte Calvinia-gemeente gegaan en vir sewe jaar daar met toegewydheid gearbei. In 1896 na Montagu beroep is hy daar predikant gewees tot 1905 toe hy die standplaas verwissel vir Riversdal waar hy 20 jaar gestaan het en in 1925 in sy laaste gemeente Die Strand bevestig is. Hier het hy gebly tot 1931 toe hy afgetree het as leraar en gaan stil woon het te Rondebosch tot sy plotselinge dood op 20 Maart 1939 in die ouderdom van 78 jaar. Hy het die gawe besit om ‘n gemeente goed te organiseer. Op die kansel het hy seker uitgeblink en moet gereken word onder die uitstaande predikers van ons Kerk, ‘n prediker wat hom ewe gemaklik in Nederlands as in Engels kon uitdruk. Hy het ons Kerk ook in verskillende betrekkinge en op belangrike kommissies met bekwaamheid en toegewydheid gedien.