gebore

24 Nov. 1814

OORLEDE

14 Okt. 1890

UNIVERSITEIT

Aberdeen; Amsterdam

gelegitimeer

1857

ORDEN

1857

standplase

1857 St. Stephens

1859 Glen Lynden

EMERITEER

1890

George Wilhelm Stegmann, (1857) St. Stephens 1857, Glen Lyden, emeritus 1890, obiit 14 Oktober 1890

Stegmann het gestam uit ‘n Duitse familie. Hy is op 24 November 1814 in Dusseldorf gebore. Hy ontvang sy teologiese opleiding in Aberdeen, Skotland, en aan die Lutherse seminarium in Amsterdam. Hy word in 1835 die tweede leraar van die Lutherse kerk in Strandstraat, Kaapstad. Sy dienste vanaf 1838 saam met ‘n plaaslike Presbiteriaanse predikant aan vrygestelde slawe lei tot die aankoop van ‘n ontruimde teater op Riebeeckplein as kerkgebou, die latere tuiste van die NG gemeente St. Stephen’s.

Ds Stegmann tree in 1847 uit diens van die Lutherse gemeente en was toe tegelykertyd in diens van twee gemeentes: St. Stephen’s en die St. Martini-gemeente, wat hy saam met sy ondersteuners gestig het. Die Lutherse kerkgebou wat vandag nog aan die bopunt van Langstraat staan, is in 1857 vir laasgenoemde opgerig. Die sinode van die NG Kerk legitimeer hom in 1857. In 1859 aanvaar hy ‘n beroep na die NG gemeente Glen Lynden op Adelaide en arbei daar tot hy in 1890 aftree.

Ds Stegmann was drie maal getroud en te wel met Helen McGregor Smith, Elizabeth Maria Clementine Sandenbergh en laastens met Sarah Fuller. Hy was die broer van ds Johan Andrew Stegmann en ‘n swaer van ds. Andrew Murray sr. Sy seun, Georg Wilhelm Stegmann jr. * 1844, was medeleraar van die NG gemeente Kaapstad van 1867 tot 1880 en daarna te Oudtshoorn.

Hy sterf op 14 Oktober 1890 te Stellenbosch.

(Op den 14den Oktober 1890, te Stellenbosch, de Wel-Eerw. Heer George Wilhelm Stegmann. Na volbrachte Studie te Aberdeen in Schotland, en in Holland, arbeidde hij aan de Kaapstad en te Adelaide. (Van 1857 in dienst onzer Kerk); Na een Emeritaat van weinige maanden ontsliep hij. – uit NG Kerk Jaarboek)