Stander, Salomon Johannes

 

gebore

2 Apr. 1888

OORLEDE

16 Okt. 1983

UNIVERSITEIT

gelegitimeer

1916

ORDEN

1917

standplase

1917 Alberton

1920 Clarens

1928 Theunissen

1931 Hartbeesfontein

1953 Emeritus

1962 Albanie

EMERITEER

1963

Ds. Salomon Johannes Stander (2.4.1888 – 16.1O. 1983); wat met sy welige baard veral tydens die Tweede Wêreldoorlog ‘n bekende figuur in die openbare lewe was, is op die hoë leeftyd van 95 jaar in Pretoria Oorlede. Hy het sy teologiese studie einde 1916 op Stellenbosch voltooi en is op 23.6.1917 in sy eerste gemeente, Alberton, bevestig. Later staan hy in die twee Vrystaatse gemeentes Clarens (1920) en Theunissen (1928); voordat hy in Augustus 1931 weer Transvaal toe kom om tot sy aftrede op 23.6.1953 predikant van Hartebeestfontein te wees. Sedertdien doen hy in verskeie gemeentes afloswerk en van 1962 af behartig hy die klein Oos-Kaaplandse gemeente Albanie (Riebeek-Oos); waar hy egter op 18 Junie die volgende jaar die tuig weer neerlê. As student het hy etlike jare vir Stellenbosch rugby gespeel en op Germiston was hy die stigter van die eerste Afrikaanse toneelgeselskap. In die onstuimige jare van Wêreldoorlog II was hy hoofgeneraal van die Ossewabrandwag (OB) in Wes-Transvaal en later ook voorsitter van die beweging se Grootraad. Een van sy twee dogters was die eggenote van ds. D S Jacobs wat na ‘n 30-jarige bediening in verskeie Transvaalse gemeentes in Oktober 1980 in ‘n motorongeluk omgekom het.