GEBORE
5 Feb. 1890
OORLEDE
27 Aug. 1966
UNIVERSITEIT
–
gelegitimeer
1915
ORDEN
1915
standplase
Wellington (Hpr.)
1933 Org. Sendingsekr., Kaapse Kerk
1940 Binnelandse Sendingsekr.
EMERITEER
1958
Ds. (Sen.) Johannes Gerhardus Olivier
Hy is op 5 Februarie 1890 op Oudtshoorn gebore. Na sy legitimasie in 1915 was hy byna twee jaar lank hulpprediker op Wellington; daarna het hy agtereenvolgens die gemeentes Fraserburg, Jansenville en Cradock bearbei. In 1933 het by Organiserende Sendingsekretaris van die Kaapse Kerk geword, in 1940 Binnelandse Sendingsekretaris, en in 1947 Algemene Sendingsekretaris, tot op sy emeritaat in 1958. Toe is hy tot verteenwoordiger van die Kleurlinge in die Senaat benoem – ‘n taak wat hy met die nodige kennis, insig en begrip kon verrig. Hy het feitlik ‘n leeftyd aan die bevordering van die sendingsaak gewy. Hy is na ‘n lang siekbed en verskeie operasies op 27 Augustus 1966 oorlede, in die ouderdom van 76 jaar. (Jaarboek 1967/565).