GEBORE

23 Julie 1942

ORLEDE

15 November 1919

UNIVERSITEIT

 BA (Nagr Dipl Teol) (UP)

gelegitimeer

1967

ORDEN

1968

standplase

1968 Mafikeng

1971 Herman Steyn

1971 Sonlandpark

1976 Heilbron

1980 Groenkloof

 EMERITEER

2003

DS KOOS LOUW (BA) 23 Julie 1942 — 15 November 1919

Jacobus Johannes Louw is op 23 Julie 1942 gebore in Middelburg (Tvl.), waar die bekende “Witkerk” in die hart van die dorp as bekende baken uitstaan. Hy stam uit ‘n bekende Afrikaanse familie wat ‘n lewe maak uit saai- en vee- boerdery in die distrikte Middelburg, Hendrina en Carolina. Koos is die derde van vyf kinders. Sy vader is Cornelius Ignatius Michael Louw. Hy onderskei hom as ‘n leier in die gemeenskap, waar hy nie net op die kerkraad dien nie, maar ook op landbou-, kulturele en politieke gebied die boeregemeenskap dien. Sy moeder is Johanna Margaretha von Wielligh, wie se voorsate en ouers diep spore trap in die ZAR en na die boereoorlog in Transvaal.

Koos skryf oor sy moeder en suster: “Johanna von Wielligh, wie se vader ook die bekende Afrikaanse skrywer en landmeter GR von Wielligh was, het haar man en vyf kinders met toewyding versorg en op haar stil, maar sterk wyse geïnspireer. Die oudste dogter, Betsie, was sedert haar vyftiende jaar aan ‘n rolstoel gekluister en het met haar besondere geloof en veggees ‘n groot invloed uitgeoefen op die hele gesin” Sy was ‘n besondere inspirasie vir Koos en dit het hom in moeilike tye laat aanhou en moed hou tot hy sy die groot gemeente man-alleen met groot wysheid te hanteer. Daar was ‘n nypende tekort aan kerkraadslede en daar was moeilike situasies wat die leraar moes hanteer en oplos. Hier- vandaan loop sy pad in die begin van 1973 na die gemeente Charl Cilliers, waar hy ‘n mooi dienstyd beleef. Op22 Oktober 1976 word hy leraar van die NG Gemeente Ermelo-Oos, om ‘n jaar later op 2 September 1977 leraar te word van die nuut afgestigte gemeente Camden te Ermelo. Hier werk ds. Thys le Roux tot hy op 10 April 1988 sy doel bereik het.

Koos begin sy skoolopleiding in 1949 aan die Laerskool Hendrina en word in 1957 leerling aan die Hoërskool Carolina, ‘n klein dorpie op die Transvaalse Hoëveld, maar ‘n besonderse boeregemeenskap wat ‘n stempel op sy jong lewe afdruk. Hy matrikuleer in 1960 te Carolina, waar hy as hoofseun van die skool sy merk maak. Hy neem leiding in die CSV en blink uit in orrel en klavier en slaag intermediêr met lof by Unisa. Koos voel geroepe om predikant te word en vertrek na die Universiteit van Pretoria waar hy die BA-graad verwerf en toegang verkry tot die Fakulteit Teologie (Afd B) aan Tukkies. As jong seun was hy ‘n kranige ruiter en lief vir perdry.

Hy neem aktief aan die studentelewe deel, dien op verskeie komitees en help met koor- en toneelafrigting. Koos is ‘n uitstekende organiseerder en is ook verantwoordelik vir die Deo Gloria- en ander konserttoergroepe om nodige fondse in te samel. Hy is ook voorsitter van die Sendingkring en diaken in die gemeente Universiteitsoord in Pretoria. In die tyd is hy ook primarius van Huis Sonop, die koshuis van die NG Kerk op die kampus van Tukkies. In dié tyd ken die Universiteit van Pretoria aan hom Dux-erekleure toe vir leierskap en hy neem ook orrel as spesiale vak aan Tukkies.

Hy en sy toekomstige swaer, ds. Dopper Erasmus, skryf die liedjie “Timothy” en Koos skryf die musiek. Dit word deur Carike Keuzenkamp gesing en so verwerf sy bekendheid. Hy word aan die einde van 1967 as proponent van die NG Kerk gelegitimeer en trou op 25 November 1967 kort daarna met Suzanne, die jongste dogter van prof lS de Wet van Tukkies. Uit die huwelik word vyf kinders gebore: Cornelia, De Wet, Kobus en Izak.

Prop JJ Louw word beroep na die NG Gemeente Mafeking (later Mafikeng), waar hy op 27 Januarie 1968 met handoplegging bevestig word, terwyl prof AH van Zyl van Tukkies die bevestigingsrede lewer. In dié tyd werk ds. Koos Louw in die gemeente saam met ds. Kobie Krige, ‘n studentevriend wat saam met hom in Sonop-tehuis gewoon het. Tydens sy dienstyd word ‘n nuwe kerksaal ingewy. Tydens ds. Koos en Suzanne Louw se dienstyd in die gemeente word drie seuns gebore, twee van hulle is ‘n tweeling.

Op 12 Junie 1971 neem die gemeente Mafeking afskeid van ds. en me Koos Louw en hulle word op 18 Junie 1971 die leraarspaar van die NG Gemeente Herman Steyn in Vereeniging. Enkele maande na sy bevestiging stig die NG Gemeente Sonlandpark af en word op 4 Desember 1971 die eerste herder en leraar van die gemeente. Hier is hy en die kerkraad verantwoordelik vir die bou van ‘n nuwe kerkgebou. Na vier jaar se saamleef met lidmate van Vereeniging in die nywerheidskern van die Vaaldriehoek, neem ds. Koos ‘n beroep aan na die NG Moedergemeente Heilbron in die Vrystaat. Hy word op 7 Februarie 1976 leraar in die dorp, die kern van ‘n besondere boeregemeenskap. Die leraarspaar is baie gelukkig en daar is genoegsame liefde en deernis, wat ‘n blywende indruk laat met mooi herinneringe van geestelike groei en wasdom. Suzanne beskryf die bediening in Heilbron as ‘n stukkie hemel.

Op 11 April 1980 word ds. JJ Louw bevestig as herder en leraar van die NG Gemeente Groenkloof in Pretoria, die begin van ‘n lang en geseënde bediening in die Jakarandastad. Na tien jaar in die gemeente kom daar ‘n skerp draai op sy lewenspad toe hy ‘n ernstige hartaanval kry, maar na ‘n suksesvolle koronêre hartvatomleidingsoperasie, kan hy weer met oorgawe sy werk voortsit tot met die aanvaarding van emeritaat. Hier beleef hy ‘n besondere tyd in ‘n betreklik klein gemeente, tot hy na 23 jaar in die gemeente in 2003 sy emeritaat aanvaar.

Hierna bly ds. Koos en Suzanne Louw in Groenkloof aan naby die mense wat hulle oor baie jare leer liefkry het. Toe kon ds. Koos sy liefde vir musiek en die kyk na films ten volle uitleef. In 2018 het hulle verhuis na die Saint Peters-aftreeoord in Garsfontein in Pretoria, waar ds. Koos op 15 November 2019 oorlede is. Sy begrafnisdiens word op 19 November 2019 waargeneem deur ds. Christoph Muller in die kerkgebou van Groenkloof.

In ‘n treffende huldeblyk beskryf sy seun, adv. Kerneels Louw, sy pa op ‘n hartroerende wyse, intiem en besonders. Hy beskryf die perfekte harmonie tussen ds. Koos en Suzanne: “Ons pa kon al sy talente uitleef omdat hy ‘n steunpilaar en vennoot in ons ma gehad het. Sy was altyd daar vir hom en hy was baie lief vir haar. Sy was die wind onder sy vlerke wat hom laat sweef het.”—Dr Gerdrie van der Merwe VDM (Bl. 383)