GEBORE
5 Jun 1909
OORLEDE
25 Jan 1988
UNIVERSITEIT
MA (UOVS); D Phil (UOVS)
GELEGITIMEER
1935
ORDEN
1936
STANDPLASE
1936 Philipstown
1941 Murraysburg
1943 Franschhoek
1947 Stellenbosch
1951 Bloemfontein-Noord
1968 Philidelphia
EMERITEER
15 Apr 1984
Dr ZB Loots is op 5 Junie 1909 in Britstown gebore, vyf maande na die dood van sy vader. Hy was een van sewe kinders. Sy broers was dr PJ Loots en eerw HJ Loots. Hy behaal in 1963 sy MA en in 1965 sy DPhil aan die Universiteit van die OVS. Hy word in 1935 gelegitimeer en word in 1936 in Philipstown georden. Daarna dien hy in gemeentes te Murraysburg, Franschhoek, Stellenbosch, Bloemfontein-Noord en ten laaste in Philadelphia. Hy emeriteer op 15 April 1984 waarna hy en sy vrou hulle op Melkbosstrand vestig.
In sy dienstydperk dien hy as Aktuaris van die Vrystaatse Sinode, Hy was ook lid van die Sinodale Regskommissie in Wes-Kaapland, lid van die Kuratorium, voorsitter van die Kaaplandse Armesorgkommissie, en voorsitter van die SKDB.
Hy was getroud met Margaretha (Ritha) van Schalkwyk, die dogter van ds AA van Schalkwyk, die Saakgelastigde van die Kaaplandse Sinode. Hulle het drie kinders, nl ZB, Andries en Susan Smit.
Dr Loots is op 25 Januarie 1988 in sy huis op Melkbosstrand oorlede aan kanker. Sy roudiens en begrafnis was op Philadelphia. (Geskryf deur Andrew Kok)