GEBORE

8 Jul. 1923

OORLEDE

4 Aug. 1981

UNIVERSITEIT

–

gelegitimeer

1956

ORDEN

1957

standplase

1957 Epping-Wes

1960 Mosselbaai

1962 Herbertsdale

1965 Noupoort

1968 Bellville

1974 Hermanus

15 Des. 1978 Uitenhage

EMERITEER

–

Ds Gert Johannes Lamprecht (8.7.1923 – 4.8.1981) is as leraar van die belangrike Oos-Kaaplandse gemeente Uitenhage plotseling daar aan ‘n hartaanval oorlede. Hy is op Rondevlei in die distrik George gebore en daar geniet hy ook sy laerskoolopleiding. Nadat hy st aan die Outeniqua-Hoërskool op George voltooi het, moet hy gaan werk. Hy ontvang egter ‘n duidelike roeping tot die evangeliebediening, met die gevolg dat hy na agt jaar na sy ou skool terugkeer en ter wille van die regte vakkeuse weer met st 7 begin. In sy matriekjaar is hy hoofseun van sy skool. Sy universiteits- en teologiese opleiding ontvang hy op Stellenbosch en einde 1956 word hy gelegitimeer. Sy eerste gemeente was Epping-Wes waar hy 4.5.1957 bevestig is en daarna staan hy in Mosselbaai (1960); Herbertsdale (1962); Noupoort (1965); Bellville (1968); Hermanus (1974) en Uitenhage (Desember 1978); Gedurende sy dienstyd in sy laaste gemeente is hy deur die Administrateur tot lid van die Hospitaalraad van Uitenhage benoem. Almal wat hom gehoor het, is deur sy besonder kragtige stem getref en daarby het hy as getroue herder uitgemunt. (Jaarboek 1983/264).