Burger, Johannes Matthys

 

Gebore

25 Jul. 1927

OORLEDE

22 Des. 1983

UNIVERSITEIT

gelegitimeer

1951

ORDEN

1952

STANDPLASE

1952 Outjo

1954 Welwitschia

1957 Walvisbaai

1959 Jacobsdal

1964 Bloemfontein-Oos

7 Feb. 1969 Swellendam

1970 Swellendam-Wes

1977 Dordrecht

1983 Smithfield

EMIRITEER

Ds. Johannes Matthys (Thys) Burger (25 Jul. 1927-22 Des. 1983) is weens hartversaking onverwags oorlede op Smithfield waar hy slegs elf maande leraar was en waar hy op Kersdag op die kerkterrein ter ruste gelê is. Na die voltooiing van sy studie op Stellenbosch, word hy in 1951 tot die bediening toegelaat. Op 6 Des. 1952 volg sy bevestiging in Outjo en voordat hy in 1959 na die Vrystaatse gemeente Jacobsdal gaan, bedien hy ook die gemeentes Welwitschia (1954) waarvan hy die eerste predikant was en Walvisbaai (1957) in Suidwes-Afrika. Daarna geniet nog ‘n Vrystaatse gemeente, Bloemfontein-Oos (1964); die voordeel van sy bediening, totdat hy in 1969 na Swellendam in Suid-Kaapland vertrek. In Swellendam-Wes wat nog dieselfde jaar van die ou moedergemeente afstig, kry hy van 1970 af die geleentheid om sowat sewe jaar lank ‘n nuwe gemeente met sy eerste treë te help. Vanaf 1977 staan hy in die Oos-Kaaplandse gemeente Dordrecht en in Januarie 1983 keer hy terug Vrystaat toe. Van hom is gesê dat hy ‘n toegewyde leraar was wat groot erns met sy roeping gemaak het. (Jaarboek 1985).