gebore
27 Jul. 1938
OORLEDE
24 Jan. 2011
UNIVERSITEIT
MA, MTh, D Litt
gelegitimeer
1965
ORDEN
1966
standplase
1966 Albertinia
1969 Ladybrand
1973 Lektor en vanaf 1985 snr Lektor Grieks, UPE
1998 Somerstrand (tentmaker)
EMERITEER
2006
Dr Japie Havemann (BA, MA, BTh, MTh, DLitt) 27 Julie 1938 – 24 Januarie 2011
Jacob Coenraad Trichardt Havemann is op 27 Julie 1938 gebore. Na sy matriekjaar het Japie teologie gaan studeer en die graad BA (Admissie) behaal. Hy het uitgeblink in Grieks op universiteit. In 1962 het hy aan die Teologiese Seminarium op Stellenbosch begin studeer, waar hy aan die einde van 1965 as proponent gelegitimeer is. Hy is met Elize getroud.
Op 19 Maart 1966 is prop Japie Havemann met handoplegging in die NG Gemeente Albertinia ontvang en bevestig. Hier het hy sy bediening begin, voordat hy op 2 Augustus 1969 as leraar in die NG Gemeente Ladybrand in die Oos-Vrystaat bevestig is. In 1973 is ds Japie as dosent in die Departement Grieks aan die Universiteit van Port Elizabeth aangestel, waar hy in 1985 tot senior lektor bevorder is.
Met sy dood op 24 Januarie 2011 en sy begrafnis uit die NG Gemeente Somerstrand in Port Elizabeth is met dankbaarheid na sy lewe verwys: “Aan UPE was dr Japie Havemann die beminde Griekse dosent. Japie het diep spore in die kerklike lewe in Port Elizabeth getrap. Naas sy rol as dosent was hy ook behulpsaam met die pastorale bediening in die gemeentes Port Elizabeth-Oos en later Somerstrand. Hy was wonderlike vriend, geliefd in al die gemeentes wat hy bedien het en hy het ‘n passie gehad vir die bejaarde bediening.” – Dr Gerdrie van der Merwe.